Në muajin prill të këtij viti, ish-Missi Diellza Kolgeci u bë nënë për herë të parë.
Ajo dhe partneri, Fisnik Rugova, u bënë prindër të një vogëlusheje të cilën e pagëzuan me emrin Helena.
Në rrjet kanë qarkulluar vazhdimisht foto të Diellzës me të voglën, ndërsa së fundmi ajo ka folur për herë të parë për lindjen e vajzës.
E ftuar në emisionin e pasdites, “Rudina” ajo ka rrëfyer se i ka përballuar me shumë qetësi dhimbjet e lindjes.
“Kam lindur në mënyrë natyrale dhe kam qëndruar disa orë në spital. Në korridor kisha mamin, Fisnikun dhe disa njerëz, por nuk doja ta mërzisja mamin. Në një moment u hap pak dera dhe pashë mamin. “Të lutem mbylle derën”- i thashë infermieres. Nuk kam nxjerrë asnjë zë. Mjeku u habit. Ç’je ti kështu më tha. Edhe në këtë moment dhimbjesh mendon për mamin.”- ka rrëfyer ajo.
Në fotot e publikuara në rrjete sociale, duket qartë se vogëlushja s’i ka lënë gjë të ëmës.
