Vogëlushja e familjes Fejzullahu ka vetëm dy javë qe ka lindur, por mami i saj po mendon që tani për ta bërë me një tjetër vëlla.
Ermal Fejzullahu dhe Ariana kanë 3 vajza dhe një djalë. Ata u gëzuan vetëm pak javë më parë me vogëlushen Ana, e cila e ka marrë emrin nga shkurtesa e emrit të Arianës.
Këtë e ka treguar vetë fashionista në një intervistë për “Prive” ku shprehet se bashkë me Ermalin kishin vendosur që nëse do të ishte djalë do të quhej Mali (si shkurtesa e emrit Ermal) dhe nëse do të lindte vajzë do të quhej Ana, si shkurtësa e Ariana Fejzullahut.
https://www.instagram.com/p/B3HiSDWhWzV/
Por Ariana u shpreh se nuk ka mbaruar me kaq, ndërsa i premton bashkëshortit se do të ketë raste kur ta vendosë emrin e tij. Ajo shprehet se do të ishte shumë e lumtur nëse do ta bënte djalin me një vëlla.
“Me kismet, shqiptarë jemi, pa ia bërë Artit një vëlla nuk e lë. Kështu që edhe një djalë pse jo. Tek e fundit po i bëj fëmijët e mirë. Edhe një Mal të vogël”, u shpreh ajo.
Ariana tregoi edhe planet për të pasur së shpejti një brand me emrin e saj.
