Dukesha e Sussex Meghan Markle është bërë nënë për herë të parë mëngjesin e sotëm dhe Princ Harry aktualisht është mbi re.
Këtë të fundit e ka deklaruar vetë princi përgjatë një deklarate mediatike, ndërkohë të gjithë jemi sy e veshë për të parë foton e parë të vogëlushit dhe për të mësuar emrin e tij.
Mirëpo na duhet të presim edhe pak ditë derisa dyshja të vendosë ta bëjë publike gjithçka.
Deri më tani, dimë që djali i Meghan ka lindur me një peshë prej 3.3 kg, dhe se ajo së bashku me bebushin gëzojnë shëndet të plotë.
Ndërsa, nga ana tjetër, Harry për herë të parë në daljet e tij mediatike është shprehur më i ekzaltuar se kurrë: “Jam shumë i emocionuar t’ju lajmëroj të gjithëve se unë dhe Meghan u bëmë për herë të parë prindër të një vogëlushi mëngjesin e sotëm. Jam jashtëzakonisht shumë krenar për bashkëshorten time.”
Në vijim, princi mjaft i qeshur pohoi se po përjeton një ndjesi të mrekullueshme dhe se është shumë i lumtur: “Çdo prind mund të thotë se fëmija i tij është i mrekullueshëm, por kjo që po më ndodh është e jashtëzakonshme. Aktualisht jam mbi re.”
