Prej mbi dy javë Stresi ndodhet në burg, i akuzuar për përfshirjen në një bandë kriminale, si dhe për armëmbajtje pa leje.
Ndërsa javën e kaluar Arkimed Lushaj bëri një postim për të promovuar këngën, veprimi i ditës së sotme i habiti të gjithë ndjekësit e tij.
Reperi hyri në një video “live” në profilin e tij në Instagram mbrëmjen e kësaj të diele.
Në video tregohej vetëm rruga dhe në asnjë moment kamera nuk u kthye nga personi që drejtonte makinën.
Për këtë arsye nuk mund të themi me saktësi nëse është reperi që ka realizuar videon, ndonjë i afërm i tij apo menaxheri, që ka marrë në administrim profilin e Stresit.
Ndërsa ende nuk ka ndonjë njoftim nga policia për lirimin apo arratisjen e reperit, na mbetet vetëm të presim për të mësuar më shumë për situatën.
