Kanye West është rikthyer së fundmi në platformën “Twitter”, pak kohë pasi iu bllokua llogaria e tij për shkak të komenteve antisimetike kundër hebrenjve.
Kjo ndodhi pasi manjati i teknologjisë Elon Musk bleu këtë rrjet social. U përfol kudo që ishte pikërisht Musk ai që lejoi rikthimin e mikut të tij, Kanye. Në lidhje me këto lajme ka reaguar së fundmi vetë Elon Musk duke u shprehur se kjo ka ndodhur para nënshkrimit nga ana e tij e marrëveshjes.
Miliarderi tha se “Twitter” kishte rikthyer llogarinë e reperit, tani i njohur si Ye, përpara përfundimit të blerjes së platformës së mediave sociale prej 44 miliardë dollarësh të enjten (27 tetor).
“Ata nuk u konsultuan dhe nuk më informuan”, tha Musk në një postim në “Twitter”.
Reperi 45 vjeçar, tronditi fansat kur shkroi në Twitter më 9 tetor: ” Unë jam pak i përgjumur sonte, por kur të zgjohem do të vras 3 për njerëzit hebrenj.”
Kanye më pas në një intervistë me Piers Morgan më 19 tetor i bindur u shpreh se ai ‘absolutisht’ nuk pendohet për komentet e tij antisemitike.
Ndërsa kujtojmë që gjatë fjalës së tij, Elon Musk u shpreh se e bleu Twitter-in jo për të fituar para, por për të ardhmen e qytetërimit.
