Ditën e djeshme “Shqiptarja.com” bëri publik një vendim gjykate që lidhje me deputetin Kujtim Gjuzi.
Në të thuhej se ai duhet t’i qëndronte 200 metra larg bashkëshortes dhe djalit të tij 16-vjeçar pasi ishte i akuzuar për dhunë.
Për “Dosja.al” Gjuzi i hodhi poshtë këto akuza, dhe ditën e sotme në emisionin “Shqipëria Live” ai ka treguar se si kanë nisur keqkuptimet.
Ndër të tjera ia tregon se nuk ka dhunuar as djalin as bashkëshorten, por ndonjëherë mund t’u ketë ngritur edhe zërin.
“Kam pasur probleme me kunatën. Më ka fyer në telefon. Nuk bëra padi, sepse mendova se kunata mund të bëhet kuditë një herë. Më pas kunata tjetër, hapi të njëjtin biznes si unë dhe ne nuk folëm me të për 3 vjet. Kështu kanë nisur mosmarrëveshjet edhe me gruan. Ajo kërkoi divorcin sepse nuk pranoi kushtet e mia për punën. Ka një urdhër mbrojtje ndaj saj, dhe unë i qëndroj 200 metra larg, bashkëshortes dhe djalit. Por as të mos e mendojë që do ia jap divorcin kaq thjeshtë. Vërtetë edhe mund të kem ngritur zërin ndonjëherë, por jo ta kem dhunuar. Tani unë jetoj në një shtëpi me qira, edhe pse kam tre banesa të miat”, u shpreh Gjuzi.
Kujtim Gjuzi dhe bashkëshortja e tij kanë konflikte që pasi ai u bë deputet.
