Pas akuzave se regjisori i famshëm, Woody Allen, ka abuzuar seksualisht me vajzën e tij, Dylan, ka ardhur dhe intervista e tij e parë për “CBS News”.
Ai tregoi se akuzat për abuzim seksual nuk bazohen në fakte të vërteta dhe se ato u trilluan nga nëna e Dylan, sepse ajo ishte zemëruar për prishjen e lidhjes së tyre të dashurisë afatgjatë.
“Është absurde, por për shkak të gjithë kësaj, ka ende një njollë të madhe në karrierën time. Unë kurrë nuk e abuzova Dylan. Asgjë që kam bërë ndonjëherë nuk mund të interpretohet në atë mënyrë. Askush nuk do t’i jepte dy vajza një pedofili. Unë nuk jam pedofil”, tha Allen.
Allen dhe Mia Farou u divorcuan në 1992 pasi ajo zbuloi se ai po e tradhtonte me një vajzë të adoptuar nga Sun-Ji.
Kujtojmë se para pak kohësh dokumentari i HBO “Allen v Farrow”, ka rikthyer aspektet e errëta të së kaluarës erotike të Woody Allen, ku në qendër ishte lufta e ashpër e kineastit legjendar amerikan me ish-partneren e tij dhe ish muzën, Mia Farrow.
Ky dokumentar shfaq ankesa serioze që janë bërë ndër vite kundër regjisorit 85-vjeçar dhe kanë të bëjnë me preferencën që ai gjithmonë dukej se kishte për gratë shumë më të reja se ai.
