Avokatja e njohur, Eni Çobani dhe ministrja për dialog e Kosovës, Edita Tahiri disa ditë më parë pësuan një aksident në zonën e quajtur “Kthesa e xhanes.”
Ditën e aksidentit Çobani ishte nisur për udhëtim për një seancë gjyqësore.
Përgjatë një interviste për “Gazeta Shqiptare” Eni ka rrëfyer se pas aksidentit ka qenë shumë e tronditur dhe ka kaluar një periudhë të vështirë.
Më tej ajo është shprehur se kishte parandjerë se diçka nuk do shkonte mirë.
Nëna e saj i kishte kërkuar që të udhëtonte bashkë me Enin për në Tropojë, por ajo e kishte kthyer nga rruga në moment të fundit:
“Nëna m’u lut që të vinte me mua për të udhëtuar drejt Tropojës, por unë e parandjeva se diçka nuk do shkonte mirë dhe e ktheva në momentin e fundit. Jam ende e tronditur, kam përjetuar dhe po përjetoj shokun që më ka lënë ky aksident. Për një moment më kaloi jeta para syve.”
Avokatja Çobani dhe politikania Tahiri janë aksidentuar në vendin e quajtur nga tropojanët “Vendi i namun” dhe thuhet se ky nuk është aksidenti i parë që ndodh në këtë vend, për shkak të mungesës së sinjalistikës.
