Pesëmbëdhjetë shtete amerikane janë në alarm teksa qindra zjarre në pyjet përgjatë Kanadasë lindore po zhvendosen drejt jugut, duke errësuar qiellin mbi Nju Jork dhe qytete të tjera të mëdha. Nga Vermonti dhe deri në Karolinën e Jugut, si dhe në Ohajo dhe në Kansas, autoritetet paralajmëruan se grimcat e ngritura në atmosferë mund të tejkalojnë nivelet që konsiderohen të pranueshme dhe mund të vështirësojnë frymëmarrjen.
Autoritetet kanë bërë thirrje që njerëzit të shmangin aktivitetet e panevojshme në natyrë, madje vendi po shpërndan maska falas për të gjithë qytetarët.
Ky është sezoni më i keq i zjarreve për Kanadanë dhe cilësia më e heqe e ajrit në botë momentalisht për New York dhe zonat përreth.
Sipas faqes së internetit “AirNow”, indeksi i cilësisë së ajrit ishte 220 dhe u vlerësua si “shumë i pashëndetshëm”.
Qytetarët me sëmundje kronike, të moshuarit, fëmijët dhe adoleshentët këshillohen të përmbahen nga aktivitetet fizike në natyrë. Më shumë se 400 zjarre janë aktive në Kanada ndërsa 249 besohet se janë jashtë kontrollit.
