Kylie Jenner dhe i dashuri i saj i arratisur Tyga, kanë injoruar urdhër-arrestin e tij, teksa kanë shijuar pushimet luksoze në Turks dhe Caicos.
Çifti është fotografuar duke kaluar momente romantike gjatë festimit të ditëlindjes së 19-të të yllit të reality show,”Keeping up with the Kardashians”.
E veshur me bikini të kuqe, Kylie i ka qëndruar shumë pranë Tyga-s, ndërsa janë parë shumë pranë njëri-tjetrit teksa përqafoheshin në det.
Një gjykatës në Los Angeles ka lëshuar një urdhër-arresti për reperin, 26-vjeçar, të martën, pasi ai nuk u paraqit për një seancë gjyqësore për një gjobë 480 000 dollarë kundër tij për disa riparime të bëra në një rezidencë në Malibu, të cilën ai e kishte marrë me qira në vitin 2011.
Megjithatë, një avokat u shpreh se tashmë është arritur një marrëveshje e përbashkët mes palëve dhe është rënë në kompromis që të zgjidhet kjo çështje.
*Shfleto galerinë
