Turqia ka dërguar ndihmat e para për Shqipërinë, për të përballuar situatën me koronavirusin në vend që ka shkaktuar 5 viktima dhe 123 të infektuar.
Ka qenë kryeministri Edi Rama ai i cili ka publikuar në mesnatë fotot e avionit të linjës ajrore Air Albania, “Lasgushi” duke transportuar mjete mbrojtëse nga Turqia për të sëmurët me COVID-19, por edhe mjekët të cilët duhet të përballen me koronavirusin.
“LASGUSHI NË KËTË ÇAST DUKE U NGARKUAR NË STAMBOLL ME ARMËT E MBROJTJES SË JETËS SË PACIENTËVE DHE MJEKËVE TANË”, shkruan Rama në Facebook.
Shqipëria ka shpallur gjendjen e fatkeqësisë natyrore në të gjithë territorin për shkak të situatës së krijuar nga koronavirusi.
Gjendja e Fatkeqësisë Natyrore do të jetë në fuqi për 30 ditë, ndërsa gjatë kësaj perjudhe ndalohen tubimet, manifestimet dhe grevat. 
