Të paktën nëntë persona kanë humbur jetën, pasi një tren i shpejtësisë së lartë u përplas me një lokomotivë në Ankara. Në një konferencë për shtyp, guvernatori Vasip Sahin njoftoi se 46 persona mbetën të plagosur në aksidentin që ndodhi rreth orës 6.30 të orës lokale.
“Rreth orës 6.30, treni me destinacion Konian u përplas me një lokomotvë që ishte ngarkuar të kontrollonte shinat e të njëjtit itinerar. Shpresojmë që numri i viktimave të mos rritet, por kërkimet vijojnë. Kur të kemi një informacion më të saktë, do t’ju njoftojmë” –tha Sahin.
Presidenti turk Recep Tayyip Erdogan njoftoi se tre persona janë arrestuar si përgjegjës për aksidentin fatal, ndërsa hetimet vijojnë.
“Ata që janë përgjegjës do të dalin përpara drejtësisë. Do të bëhet gjithçka që kërkon ligji” – u shpreh presidenti.
Pamjet nga vendi i ngjarjes shfaqin vagonët e dalë nga binarët si dhe mbetje të trenit të shpërndara kudo, ndërsa skuadrat e shpëtimit përpiqen t’i japin ndihmën e parë të gjithë atyre që kishin mbetur të lënduar.
Our teams are responding to the high-speed train accident from the initial minutes. pic.twitter.com/K7Yce3zpuy
— Türk Kızılay English (@TurkKizilay) December 13, 2018
