Turqia është goditur nga një prej tërmeteve më shkatërrues në vitet e fundit.
Lëkundje me magnitudë 6.8 të shkallës Rihter janë regjistruar në rajonin lindor të Turqisë mbrëmjen e së premtes (24 janar).
E ndonëse numri i viktimave është rritur duke shkuar në 20 dhe 1015 të plagosur, ekipet e shpëtimit vijojnë të nxjerrin njerëz të gjallë nga rrënojat.
Mediat i kanë quajtur “mrekulli” ato që po ndodhin në Elazig, ku ekipet e kërkimit dhe shpëtimit kanë shpëtuar 8 persona mes të cilëve 1 grua shtatzënë dhe 1 fëmijë që mbijetuan nën rrënojat në Malatya.
Mediat turke shkruajnë se gruaja shtatzënë që mbeti nën rrënojat në fshatin Gezin të rrethit Maden të Elazig u shpëtua pas 12 orësh.
Kryeministri Edi Rama ka reaguar për situatën e krijuar pas tërmetit 6.8 ballë ne Turqine lindore.
Në një postim ne Twitter kreu i qeverise thotë se “është shumë e trishtueshme fatkeqësia që ra mbi Turqinë mike prej një tërmeti të rëndë, ku janë shënuar edhe jetë të humbura.”
” I jemi pranë popullit turk dhe lutemi që Zoti t’u japë autoriteteve të vendit dhe Presidentit Erdogan të gjithë forcën për ta përballuar këtë tragjedi” shkruan Rama.
