Më 27 korrik 2017, Orinda Huta dhe Turjan Hysko u betuan mes lotësh për dashuri të përjetshme! Një dasmë ku të gjithë miqtë e çiftit rrëmbyen mikrofonin dhe e kthyen në një festë të madhe, kurorëzimin e dashurisë së Orindës dhe Turit. E ftuar në emisionin “Rudina” në televizionin “Klan”, Orinda Huta tregoi sesi po i ecën martesa!
“Nuk është se ka ndryshuar ndonjë gjë të madhe! Martesa është e bukur dhe duhet bërë! Dasma duhet bërë, kam përshtypjen se është një etape e jetës që duhet të vijë hap pas hapi. Doja të isha një nuse e thjeshtë, sepse kam provuar shumë fustane nusërie! Nuk kisha nevojë për shfaqje të tepruara në dasmën time. Nuk doja as xixa, as temina.” – tha Orinda Huta.
Për ata që nuk e dinë, moderatorja shqiptare kthehet në një kuzhiniere profesioniste në shtëpinë e saj. Dhe bashkëshorti i saj Turjani, është i pari që provon pjatat e shijshme të Orindës.
“Më pëlqen shumë të gatuaj në shtëpi çdo ditë. Kujdesem që të paktën një vakt ta gatuaj në shtëpi. Edhe kur ndonjëherë ia kam futur kot në gatim, Turi asnjëherë smë ka thënë që nuk ka qenë e mirë, madje kam qenë une ajo qe i kam thënë vet e para kur një gatim nuk ka qenë i shijshëm”. – rrëfeu Orinda Huta.
Ndër të tjera, Orinda tregoi se ka gati tre këngë dhe së shpejti do të publikohet kënga e parë, një baladë R&B, e punuar nga një turk.
