Prej ditësh në media ka qarkulluar një lajm ku thuhet se në “TV Klan” do të startojë një emision i ri humori.
Ai thuhej se do të ishte një format i ndryshuar i “Duplex” dhe pjesë e tij do të bëhej edhe Marina Vjollca.
Deri më tani askush nuk kishte folur lidhur me këtë emision, megjithatë askush më mirë se vetë Turjan Hysko nuk mund të sqaronte detajet.
Pak minuta më parë ai ka publikuar në Instastory disa foto dhe konfirmon të gjitha zërat.
Ai shprehet se emisioni do të mbajë titullin “Kalanifornia Show” dhe do të transmetohet çdo të shtunë në orën 21:00
“Imagjino një skuadër me Jul Dedën, Albano Bogdon, Visjan Ukcenaj, Olsi Bylyku, Eglein Laknori, Cubi Metkaj, Lisa Kujofsa, Eliona Pitarka, Andrea Vreto, sigurisht Marina Vjollca dhe…Është skuadra e ëndrrave. Është ‘Klanifonia’”, – shkruan Turi.
Në këtë mënyrë ai konfirmon edhe rikthimin e aktores Lisa Kujofsa, e cila na ka munguar prej kohësh.
