Turjan Hyska i befasoi të gjithë muajin e kaluar teksa lajmëroi se emisioni i tij “Oktapod” do të mbyllej. Nëpërmjet postimit të tij në Instagram, moderatori i njohur shprehej se kjo ishte një eksperiencë e bukur që i kishte shërbyer shumë.
“Kjo foto ka qenë postimi im i parë në Instagram. Është logo fillestare e ‘Oktapod’, i cili erdhi në tokë në 9 prill të viti 2014 dhe kthehet në det sërish, sot pas mesnate! Për mua kaq qenë një eksperiencë interesante që më ka shërbyer shumë! Falënderoj të gjithë ata që kanë ardhur të ftuar, ata që më kanë ndjekur dhe stafin tim të ngushtë! Tani e tutje bëni çfarë bëni gjatë ditës, natën nuk e kaloni më me mua. Ngushëllimet ‘Oktapod’”, shkruante Turi në postimin tij në Instagram ku dha lajmin e mbylljes së emisionit “Oktapod”.
Ndërkohë të gjithë u bëmë kurioz se në cilin emisionin do ta shikojmë në të ardhmen moderatorin e njohur. Burime për “Xing.al” bënë të ditur se Turjan Hyska do të braktisë “Vizion Plus” dhe së shpejti do të nis një emision të ri në televizionin “Klan Plus”.
Menjëherë pas këtyre lajmeve që qarkulluan në mediat online ka reaguar vet Turjan Hyska nëpërmjet një postimi në Instagram, ku i hedh poshtë të gjitha këto thashetheme. Ai ka postuar në Insta Story lajmin në fjalë me mbishkrimin “lajm i rremë”, çka do të thotë se Turin me siguri do të vijojmë ta shohim në “Vizion Plus”.
