Qytetarët e Shqipërisë gjithnjë ankohen për çmimet që ofrohen brenda vendit. Nga ana tjetër, të huajt që jetojnë në vendin tonë apo turistët ndryshe nga shqiptarët janë më se të kënaqur me çmimet që Tirana ofron.
Së fundmi, sipas një artikulli të publikuar në “Monitor.al”, Tirana renditet ndër vendet me kostot më të lira të jetesës në Evropë.
Bazuar në renditjen e “Numbeo-s” (portal që grumbullon të dhëna mbi koston dhe cilësinë e jetesës), prej 181 qyteteve, Tirana renditej në vend të 155-të.
Mirëpo po ta krahasosh kryeqytetin e Shqipërisë me Prishtinën apo Shkupin, jetesa është më e kushtueshme në Tiranë. Nga indekset e marra në shqyrtim siç janë ato të qirave apo të restoranteve, Tirana mban vendin e parë për çmime të larta.
Ndërsa në krahasim me Sarajevën, e cila në listën më sipër renditej në vendet me jetesë më të kushtueshme, shtëpitë me qira në vendin tonë janë shumë herë më të larta se aty.
E gjitha kjo pasqyron një ç’ekuilibrim mes standardit të jetesës dhe çmimeve jo lehtësisht të përballueshme.
Burimi: “Monitor.al”