Mbrëmjen e djeshme, tre turistë gjermanë mësohet se janë bllokuar në zonën e Gjipesë, më saktë në kanionin e tij.
Ata kanë qenë duke eksploruar zonën, ndërsa falë alarmit SOS të lëshuar prej tyre, u kanë ardhur në ndihmë forcat e policisë së Himarës.
Pas një kërkimi prej më shumë se tre orësh, turistët gjermanë janë gjetur në brendësi të kanionit dhe gjendja e tyre shëndetësore është e mirë.
Shpëtimi i tyre ka qenë shumë i vështirë, ndaj edhe janë përdorur litarët për t’i nxjerrë nga vendi në të cilin kishin mbetur të bllokuar.
Ndërhyrja e policisë ka qenë e menjëhershme, edhe pse siç e thamë më lart zona është e rrezikshme për t’u përshkuar e sidomos natën.
Problem ka qenë edhe ndriçimi, për shkak të errësirës, por gjetja e tyre u bë më e lehtë nga thirrjet për ndihmë.
Identitetet e tre turistëve nuk janë bërë me dije, por gjendja e tyre shëndetësore është shumë e mirë. /gazetareforma
