Turjan Hysko është një ndër personazhet shqiptarë që kujdeset shumë jo vetëm për fizikun, me aktivitete fizike por edhe për ushqimin. Ndaj kilogramët e tepërt e kolegëve të tij, i sheh si problem dhe kërkon t’i nxisë për një jetë më të shëndetshme. Në një postim në “Instagram”, Turi i bën thirrje Julian Dedës dhe Albano Bogdos të dobësohen sa më shpejt. Madje kërkon ndihmën e të gjithëve për t’ja arritur qëllimit.
“Kam një problem shumë të madh si drejtues, nuk po arrij dot që të dobësohen Albano dhe Juli ndaj kërkoj ndihmën tuaj që t’i vëmë në sedër. Bëni video dhe tagg Albanon dhe Julin ku u kërkoni të dobësohen”,-thotë Turi në video.
Por nuk ka munguar edhe reagimi i Julian Dedës, i cili shprehet: “I dashur Turjan nuk ka nevojë t’i bëni këto sfida me spektatorët. E para nuk ekziston ndonjë sedër e madhe në këtë drejtim se ushqimit nuk i themi jo. Dhe e dyta unë kam filluar të bie. Kam rënë 500 gram deri tani”.
