Tuna Sejdi feston ditëlindjen sot dhe në këtë ditë të rëndësishme nuk kanë munguar as urimet speciale.
Por më i veçanti është një dedikim për veten që bëri sot këngëtarja shqiptare, e cila mbushi plot 35 vjet.
Tuna ka publikuar disa foto ku shfaqet e lumtur në maksimum, për të treguar gjendjen e saj emocionale në këto momente.
Ajo shkruan: “Gëzuar ditëlindjen aleatit dhe armikut më të keq. Me fjalë të tjera, gëzuar ditëlindjen vetja ime”!
Nuk kanë munguar as urimet nga miq e kolegë, mes të cilëve spikati ai i Dafina Zeqirit: “Gëzuar ditëlindjen zemër”!
Dyshja e cila ka dhe një bashkëpunim të suksesshëm “Vibe”, nuk fliste deri para pak kohësh, deri kur Dafina sqaroi edhe raportin me Tunën.
Një muaj më parë Dafina tha në NIN se marrëdhënia mes të dyjave është shumë e mirë dhe la të kuptohet se të dyja i kanë kërkuar ndjesë njëra-tjetrës!
Ato madje e përkrahin njëra-tjetrën, pasi Tuna publikoi pak kohë më parë në Instastory këngën e fundit të Dafinës, në bashkëpunim me Ledrin dhe Lumi B, duke treguar mbështetjen e saj ndaj koleges.
