Dita e diel ka qenë një ditë e veçantë për këngëtaren Tuna Sejdi. Ajo organizoi të dielën një festë “baby-shower” në praninë e mikeshave më të mira. Gjithçka është mbajtur sekret dhe në privatësi të plotë, deri sa Tuna nisi të publikonte disa fotografi nga festa.
Por ajo që vumë re nga fotot e publikuara ishte fakti që kunata e saj Nora Istrefi mungonte në festë. Në asnjë foto, edhe në ato me mikeshat e Tunës, Nora nuk u paraqit, duke na konfirmuar kështu se marrëdhënia me kunatën është siç përflitet.
Hera e fundit që ato u panë bashkë ishte në festën e Valdrin Sahitit në Tiranë. Ishte koha kur Tuna kishte nisur lidhjen me Patrisin, vëllain e Robert Berishës dhe Nora, këtë herë, duhet ta respektonte kunatën, si nusja e madhe.
Por pas asaj dite, as Nora e as Tuna nuk u panë më bashkë, as të dyja e as të katërt me dy vëllezërit. Ndonëse secili më vete janë të tërhequr për të treguar në rrjetet sociale pjesë nga jeta private, megjithatë diçka mes kunatave ka ndodhur dhe kjo është shumë e dukshme.
