Vetëm pak javë më parë ajo solli në jetë fëmijën e saj të parë me partnerin Patris. Por pavarësisht se ka nisur një punën 24-orëshe si nëna e Tianit, ajo nuk dëshiron as 3 muajt e pushimit pas lindjes, pasi duket se është gati t’i rikthehet muzikës.
Të paktën këtë ka lënë artistja të nënkuptohet në disa video të publikuara në rrjetin social “Snapchat”.
Këngëtarja shihet në një studio regjistrimi së bashku me këngëtarin e njohur, Ylli Limani. Pavarësisht se nuk ka një konfirmim nëse dyshja do të sjellë një bashkëpunim, një gjë është e sigurt, Tuna nuk mund të heqë dorë nga muzika as për pak muaj.
