Këngëtarja Tuna Sejdiu këtë të martë është bërë nënë për herë të parë. Ajo solli në jetë një djalë, të cilin, së bashku me partnerin e saj Patris, e pagëzuan me emrin Tian.
Përveç emrit dhe spitalit ku lindi, jo shumë detaje tjera u bënë të ditura për publikun. Megjithatë Tuna ka treguar së fundmi për fansat e saj edhe diçka tjetër.
Në të vetmen fotografi që këngëtarja ka publikuar pas lindjes në “SnapChat”, ajo shfaq në balonën e përurimit të bebit të gjitha detajet rreth tij, duke përfshirë: peshën, gjatësinë dhe sigurisht datën e lindjes bashkë me orën.
Në foto shfaqet edhe Tuna, e cila qëndron me shpinë në pasqyrën që reflekton informacionet për djalin. Pak minuta më parë ajo publikoi edhe një foto të djalit, i cili edhe pse nuk dukej shumë, të dhuron një pamje shumë të ëmbël.
