Tuna feston sot ditëlindjen dhe ndryshe nga çdo herë tjetër kjo ditë ka kaluar në heshtje për të. Para disa orësh ajo ndau në rrjete sociale foton e një pjate me tortë ku shkruhej “Gëzuar ditëlindjen”, por shumë pak e kuptuan se bëhej fjalë për ditëlindjen e saj. Po ashtu më vonë, Tuna publikoi një foto me dy djemtë e saj në Instgaram pa asnjë lloj mbishkrimi. Megjithatë përmes saj ajo lë të kuptohet se këtë vit ndihet më e lumtur se kurrë e përmbushur plotësisht si nënë e dy fëmijëve.
View this post on Instagram
Ndërkohë, urimin e parë publik për ditëlindjen e saj, Tuna e ka marrë nga Dafina Zeqiri. Kjo e fundit ka publikuar foton e Tunës me djemtë dhe në kokë i ka vendosur një kurorë ku shkruhet: “Jeta është e mirë”.
“Gëzuar ditëlindjen zemër”, shkruan Dafina përkrah fotos së Tunës.
Kujtojmë se kohë më parë, për shumë vite më radhë Tuna dhe Dafina janë cilësuar si armike të njëra-tjetrës. Dy artistet bënë namin në 2010 me super bashkëpunimin e famshëm me 2PO2, “Vibe” që pati mjaft sukses.
Mirëpo, diçka ndodhi mes tyre dhe më pas dy këngëtaret u tha se nuk flisnin me njëra-tjetrën dhe kjo për shkak të disa deklaratave të Dafinës, ose përgjimeve në telefon të një bisede ku ajo vinte në pikëpyetje talentin e Tunës dhe e quante atë njeri me dy fytyra.
Gjërat mes tyre u dukën që nuk ishin ok, kur Tuna zhduku pjesën e refrenit të Dafinës në këngën “Vibe”, duke e modifikuar nëpër koncerte.
Megjithatë, zjarri mes tyre u shua në 2018, kur bënë paqe dhe postuan një foto me njëra-tjetrën në SHBA. Më pas në emisionin “NIN”, Dafina sqaroi se raportet mes tyre janë të mira, duke nënkuptuar se i kanë kërkuar ndjesë njëra-tjetrës. Ndërkaq, para disa muajsh u raportua se vajzat do të sillnin një duet së bashku, por deri më tani nuk kemi asnjë informacion mbi këtë projekt të këngëtareve.
