Për vite të tëra, Brad Pitt dhe Angelina Jolie mohuan romancën e tyre në shesh-xhirimin e filmit “Mr & Mrs Smith” në 2005-n. Dhe ata kishin një arsye të fortë për këtë, pasi aktori ishte ende i martuar me Jennifer Aniston.
Por tashmë, ish-truproja e aktores Jolie nxori për “UsWeekly” të fshehtat e çiftit, duke rrëfyer se lidhja e tyre në fakt nisi pikërisht gjatë periudhës së xhirimeve. Ai tregoi se dyshja shpesh i kalonte njëri-tjetrit shënime dashurie, ndërsa xhironin filmin thriller.
Kjo deklaratë vjen pas faktit se 41-vjeçarja punësoi një menaxher krizash, pas ndarjes shokuese me bashkëshortin e saj 52-vjeçar.
“Angelina dhe Brad ishin shpesh duke qeshur dhe flirtuar dhe silleshin si dy fëmijë shkolle, që u kishte rënë në kokë për njëri-tjetrin dhe kjo ishte një gjë shumë e lezetshme”, tha ish-truproja.
“I kam kapur disa herë duke u puthur në dhomat e tyre. Nuk jam befasuar aspak kur ata u martuan vite më vonë”, tha Mark Behar.
Behar tha gjithashtu se shënimet e dashurisë ishin me “përmbajtje seksuale”, ndërsa tregon se Jolie ishte më e tërhequr.
Truproja tregoi se ajo gjithashtu foli për babanë e saj Jon Voight: “Ajo fliste për të gjithë dashurinë dhe urrejtjen mes tyre. Si shumica prej nesh ka kaluar me një ose të dy prindërit”.
Burimi: Daily Mail
