Pas katër ditësh numërime, Joe Biden është zgjedhur fituesi i zgjedhjeve presidenciale në Amerikë. Kandidati demokrat fitoi falë 20 votave elektorale të Pensilvanisë, shtet ku edhe lindi dhe më pas e bëri presidentin e 46-ë të Shteteve të Bashkuara të Amerikës.
Ndërkohë që pavarsisht rezultatit Trump vazhdon akoma t’i mohojë votimet duke u shprehur se në to janë bërë mashtrime dhe vjedhje. Ai ka deklaruar se do e çojë situatën në Gjykatën Supreme.
Në një sërë postimesh në Twitter, Trump shkruan se ka pasur një sërë parregullsish në shtete të ndryshme.
“Nevada po rezulton të jetë një gropë e votave të rreme. @mschlapp & @AdamLaxalt po gjejnë prova që, kur të publikohen do të jenë absolutisht tronditëse! ” Shkroi Trump në postimin e tij.
Sipas të dhënave, Joe Biden kryeson në Nevada me 36,186 vota apo me 2.7% të votave totale në këtë shtet.
Sa i përket shteteve të tjera, presidenti amerikan shkruan:
“Georgia do të jetë një fitore e madhe presidenciale, siç ishte natën e zgjedhjeve. Pennsylvania na ndaloi që të shihnin procesin e numërimit. Gjë kjo e paimagjinueshme dhe e paligjshme në këtë vend. Wisconsin duket shumë mirë. Duhet pak kohë statutorisht. Do të ndodhë së shpejti! Reince Priebus, Sean Duffy.”
Edhe pse është në ditët e tij të fundit të Shtëpisë së Bardhë dhe në krye të vendit Trump ka marrë një vendim që të shkarkojë nga detyra Sekretarin e Mbrojtjes, Mark Esper.
Lajmin e ka bërë vetë Trump me anë të një postimi në Twitter. Ai e ka falenderuar Esper për punën që ka bërë dhe në vend të tij ka vendosur Christopher C. Miller. Më tej ai është shprehur se Miller do të bëjë një punë shumë më të mirë.
I am pleased to announce that Christopher C. Miller, the highly respected Director of the National Counterterrorism Center (unanimously confirmed by the Senate), will be Acting Secretary of Defense, effective immediately..
— Donald J. Trump (@realDonaldTrump) November 9, 2020
