Presidenti amerikan, Donald Trump, ka shfrytëzuar premierën botërore të filmit të ri “Superman” nga James Gunn për të rikthyer një nga simbolet e tij të preferuara: veten si hero. Në një postim në rrjetet sociale, Trump është shfaqur i ilustruar si Superman, duke përshkruar presidencën e tij si një “Simbol Shprese”, të bazuar në “të vërtetën, drejtësinë dhe mënyrën amerikane”.
Megjithëse rikthimi i tij në Shtëpinë e Bardhë është shoqëruar me polemika dhe trazira politike, presidenti vazhdon të promovojë narrativën e suksesit personal dhe administrativ, duke e lidhur atë me figurat ikonike të kulturës pop.
