Presidenti në ikje i SHBA-së, Donald Trump ka mbajur fjalimin e tij të lamtumirës ditën e sotme.Trump është mburrur për arritjet që ka bërë dhe i ka uruar sukses administratës së re, edhe pse nuk e përmendi fare emrin e pasardhësit të tij. G
Në mesazhin e fundit vetëm një ditë para inaugurimit të Presidentit të ri, Joe Biden, Trump foli me një ton ende sfidues, në videon e publikuar përmes llogarive zyrtare të qeverisë në mediat sociale. Duke iu referuar trazirave në Kapitolin e SHBA në 6 Janar, ai tha: “Të gjithë Amerikanët u tmerruan nga sulmi ndaj Kapitolit … Nuk mund të tolerohet kurrë.”
Trump pranoi që një administratë e re do të merrte detyrën, por tha: “Unë dua që ju të dini se lëvizja që kemi nisur, është vetëm në fillim”.
Në fund të fjalimit Trump tha se po largohet nga Shtëpia e Bardhë i gëzuar dhe më një frymë optimiste së më e mirë për SHBA-së ska ardhur akoma.
“Këtë javë, ne përurojmë një Administratë të re dhe lutemi për suksesin e saj në mbajtjen e Amerikës të sigurt dhe të prosperuar. Tani, ndërsa jam duke u përgatitur për t’ia dorëzuar pushtetin një administrate të re në Mesditë të Mërkurën, unë dua që ju të dini se lëvizja që kemi filluar sapo po fillon. Unë po largohem nga ky vend madhështor me një zemër besnike dhe të gëzueshme, një frymë optimiste dhe një besim të lartë se për vendin tonë dhe për fëmijët tanë, më e mira ska ardhur akoma. Faleminderit dhe lamtumirë.Zoti ju bekoftë. Zoti i bekoftë Shtetet e Bashkuara të Amerikës,” tha ai.
Të mërkurën, amerikanët mirëpresin një president të ri në Shtëpinë e Bardhë. Muajt e fundit janë shoqëruar me raste tensionesh dhe dhune, sepse shumë amerikanë e kanë të pamundur të pranojnë fitoren e presidentit të zgjedhur Joe Biden. Korrespondentja e Zërit të Amerikës Carolyn Presutti na njeh me 78-vjeçarin që do të drejtojë Shtetet e Bashkuara për katër vitet e ardhshme.
U deshën katër ditë, me rezultate të pasigurta të zgjedhjeve, që Joe Bideni të mund të shpallte fitoren.
Tani në moshën 78 vjeç, presidenti më i vjetër i zgjedhur ndonjëherë, po përgatitet për sfidën e tij më të vështirë politike – udhëheqjen e një vendi të ndarë drejt së ardhmes.
