Presidenti i SHBA-ve, Donald Trump dhe Zonja e Parë, Melania Trump dëshironin të huazonin një pikturë të Van Gogh nga Muzeu Guggenheim i Nju Jorkut.
Sipas Washington Post, çifti kishte kërkuar pikturën e Van Gogh “Landscape With Snow”, për ta vendosur në Shtëpinë e Bardhë.
Por në vend të saj, kuratorja e Guggenheim-it Nancy Spector, iu ofroi një tjetër kryevepër që nuk kishte aspak lidhje me pikturën e vitit 1888, ku shfaqej një burrë me një kapelë të zezë duke ecur përgjatë një rruge në Arles, Francë, me qenin e tij.
Alternativa e kuratores ishte një WC prej ari 18 karatësh, plotësisht funksional, një vepër me titull “Amerika” që kritikët e kanë përshkruar si satirë që vë në shënjestër tejkalimin e pasurisë në këtë vend.
Për një vit, kjo vepër e artistit bashkëkohor, Maurizio Cattelan, ka qëndruar në katin e pestë të muzeut dhe mund të përdorej nga vizitorët.
Ajo është plotësisht funksionale dhe është përdorur nga më shumë se 100,000 njerëz, sipas muzeut, me një vlerë që i kapërcen 1 milion dollarë.
Sarah Eaton, një zëdhënëse e Guggenheim, konfirmoi se i kishte dërguar një email kuratores së Shtëpisë së Bardhë, Donna Hayashi Smith, më 15 shtator.
Shtëpia e Bardhë nuk i është përgjigjur ende muzeut në lidhje me këtë çështje.
Burimi: Washington Post
