Dje, në objektin Starbase të SpaceX në Teksas, ndodhi një shpërthim i fuqishëm gjatë një prove të motorit statik në raketën Starship Ship 36. Prototipi u shkatërrua plotësisht pak para provës standarde të “zjarrit statik”, ndërsa incidenti u filmua dhe po bën xhiron e internetit. Shpërthimi ndodhi pa praninë e personelit në një distancë të rrezikshme dhe nuk u raportuan të lënduar, megjithatë, dëmet në anije dhe infrastrukturë janë të rënda.
Sa kushton një dështim i tillë?
Dëmi financiar për SpaceX dhe Elon Musk është shumështresor. Analistët e pavarur vlerësojnë koston e ndërtimit dhe përgatitjes së një rakete Starship në pothuajse 100 milionë dollarë.
Nga ana tjetër, Starbase është një nga qendrat hapësinore më të përparuara në botë, me infrastrukturë që ka kushtuar mbi 3 miliardë dollarë . Kostoja totale e zhvillimit të programit Starship (duke përfshirë raketat, infrastrukturën mbështetëse, personelin dhe logjistikën) tashmë tejkalon 5-7 miliardë dollarë dhe ka të ngjarë të arrijë në 10 miliardë dollarë me përmirësimet e fundit.
Shkurt, vlerësimi fillestar i dëmit tejkalon 5 miliardë dollarë…
Kompania ende nuk ka lëshuar një deklaratë zyrtare të detajuar mbi koston e katastrofës, por siç thekson në çdo incident, dështime të tilla konsiderohen “pjesë e procesit të zhvillimit”. Vlen të përmendet se vetë Elon Musk ka deklaruar shumë herë se “dështimet janë të nevojshme për progres” dhe janë përfshirë në modelin e zhvillimit të kompanisë.
Megjithatë, ndërsa koha për misionet aktuale afrohet, incidente të tilla nuk mund të merren lehtë.
Dështimi i fundit i anijes kozmike Starship nuk është thjesht një shpërthim spektakolar videoje. Është një kujtesë e thellë e rrezikut teknologjik që përfshihet në ambicien e Elon Musk për të dominuar hapësirën.
