Një ngjarje e rëndë ka ndodhur diten e sotme në Kosovë, ku janë vrarë me armë zjarri dy vëllezër.
Mediat në Kosovë raportojnë se autori është dhëndri i familjes, personi i identifikuar si: Astrit Isufi.
I dyshuari, siç ka thënë Policia, është nga një fshat i Drenasit dhe eshte shpallur ne kerkim nga forcat blu.
Në raportin e Policisë thuhet se dy vëllezërit rreth orës 11:30 u dërguan në Qendrën e Mjekësisë Familjare në Kijevë, ku më pas mjekët konstatuan vdekjen e tyre. Viktimat jane të moshave rreth 32 dhe 45 vjeç, të cilët janë qëlluar me armë zjarri para shtëpisë së tyre.
Ngjarja dyshohet se ka pasur motiv familjar, i cili kishte filluar më herët mes palëve.
Dyshimet per ngjarjen
I dyshuari, sipas hetimeve paraprake, ka shkuar në shtëpinë e viktimave për të marrë gruan e tij.
Pasi është larguar disa metra, ai është kthyer përsëri dhe ka hapur zjarr ndaj dy vëllezërve që ndodheshin para derës së shtëpisë se tyre.
Të dy kanë ndërruar jetë si pasojë e të shtënave, njëri në vendin e ngjarjes e tjetri rrugës per ne spitalin qe ndodhej prane baneses.
Dyshohet se edhe vëllai i të dyshuarit kishte pasur konflikte të mëparshme me viktimat. Hetimet per ngjarjen jane ende ne vijim.
