Josep Martinez i Interit ka përplasur dhe vrarë një burrë 81-vjeçar në një karrocë me rrota pranë qendrës stërvitore të ekipit. Sipas mediave italiane, aksidenti ndodhi këtë mëngjes, rreth orës 9:30, në zonën Fenegro, pranë Komos.
Pavarësisht ndërhyrjes së menjëhershme të ekipeve të shpëtimit, i moshuari vdiq menjëherë. Martinez doli nga makina e tij shëndoshë e mirë, por në gjendje shoku.
Siç raportohet nga La Repubblica, vlerësimet fillestare tregojnë se i moshuari mund të jetë ndjerë keq, gjë që e ka shtyrë të ndryshojë papritur kursin dhe të kalojë në drejtim të kundërt, duke rezultuar në përballjen me automjetin e futbollistit spanjoll. Përplasja, sipas dëshmitarëve okularë, ishte veçanërisht e dhunshme. Ambulancat, një helikopter shpëtimi dhe karabinierët nxituan menjëherë në vendngjarje.
Martinez, siç theksojnë raportet italiane, u ndal menjëherë për të ofruar ndihmë dhe bashkëpunoi plotësisht me autoritetet, duke qenë dukshëm i tronditur nga incidenti.
Kush është Joseph Martinez?
Joseph Martinez e filloi karrierën e tij në akademitë e Barcelonës nga të cilat u transferua në Las Palmas. Në korrik 2025, Leipzig pagoi 2.5 milionë për ta blerë atë dhe në vitin 2023 ai u huazua te Genoa, e cila pas një viti pagoi 3.5 milionë për të marrë të drejtat e tij ekskluzive. Në vitin 2024, Interi pagoi jo më pak se 14 milionë për ta çuar atë në Milano.
