Krimi brenda familjes ka tronditur qytetin e Shkodrës. Burime pranë policisë bëjnë të ditur se një burrë ka vrarë me çekiç në kokë bashkëjetuesen e tij. Si pasojë e goditjeve të shumta 58-vjeçarja ka gjetur vdekjen e menjëhershme.
Pas ngjarjes së rëndë, policia ka bërë të mundur arrestimin e autorit të dyshuar, shtetasin Bashkim Teli, banues në Shkodër.
Sipas deklaratës së policisë, ngjarja e rëndë ka ndodhur në lagjen “Qemal Stafa”, ku 69-vjeçari ka goditur disa herë me çekiç në kokë bashkëjetuesen e tij S.Sh, 58-vjeçe, për motive të dobëta.
Në cilësinë e provës materiale policia ka bërë sekuestrimin e sendit me të cilin autori ka qëlluar viktimën.
Tashmë çështja i ka kaluar Prokurorisë së Shkodrës dhe do të hetohet për veprën penale “Vrasje për shkak të marrëdhënieve familjare”.
Burimi: Ballkanweb
