Një ngjarje e rëndë ka tronditur mëngjesin e sotëm Francën. Tre persona kane mbetur të vdekur dhe disa të tjerë të plagosur pas një sulmi me thikë në një katedrale.
Sipas disa dëshmitarëve në ngjarje një gruaje i është prerë koka. Në rrjete sociale kanë nisur të shpërndahen video nga momenti i sulmit dhe nga ndërhyrja e policisë për të neutralizuar autorin e ngjarjes së rëndë.
Deri më tani dyshohet se kemi të bëjmë sërish me një sulm terrorist. Vetë kryebashkiaku i qytetit, Christian Estrosi, përmes një postimi në Twitter e ka cilësuar sulmin në katedrale terrorist.“Unë konfirmoj se gjithçka që ndodhi mund të jetë një sulm terrorist në Bazilikën e Notre-Dame de Nice”, shkruan ai.
Agresori është ndaluar nga policia dhe është transportuar menjëherë për në spital, por identiteti i tij nuk dihet ende.
