Një ngjarje e rëndë ka tronditur pasditen e sotme Anglinë, ku një shqiptare është sulmuar me thikë në vendin e quajtur Luton.
Mediat britanike raportojnë se autori është ish-bashkëshorti. Ky i fundit dyshohet se e ka goditur me thikë gruan pasi ajo la fëmijët në shkollë.
Sipas Dailymail, ai e ka kapur për fyti dhe e ka goditur disa herë me thikë shqiptaren, identiteti i të cilës nuk bëhet ende me dije.
Autori është vënë në pranga ndërsa Policia e Bedfordshire bën me dije se gruaja është dërguar në spital me plagë të rënda.
Fqinjët kanë thanë se shqiptarja kishte pasur probleme me ish-bashkëshortin, i cili ishte paraqitur disa herë në adresën e saj, dhe së fundmi ishte bërë agresiv dhe i dhunshëm.
Ngjarja vjen pak ditë pasi një tjetër shqiptare në Greqi u vra me thikë nga bashkëshorti i saj. Bëhet fjalë për rastin tronditës të Enkelejda Danajt e cila bëri bujë në mediat greke dhe jo vetëm.
