Mbarë opinioni botëror është tronditur pasi 4 vajza në bashkëpunim me të ëmën e tyre kanë vrarë babain për një arsye shumë të çuditshme. Ato e vranë babain dhe më pas trupin e tij e hodhën në një kanal të ujërave të zeza, pasi ai nuk i lejonte të vishin pantallona xhinse.
Ngjarja shokuese ka ndodhur në Indi dhe trupi i pajetë i Meharbaan Ali është gjetur në një kanal të ujërave të zeza në Uttar Pradesh, 250 metra larg shtëpisë së tyre. Ndërkohë policia ka arrestuar bashkëshorten e tij 52 vjeçare Zahida Begum, si dhe vajzat e tyre, Saba, 26, Zeenat, 22, Iram, 19 dhe Alia, 18, në shtëpinë e tyre në Shahjahanpur pasi kishin punësuar një vrasës me pagesë.
“Kur u zbulua trupi i Aliut, ne dyshuam për përfshirjen e anëtarëve të familjes, sepse trupi u gjet vetëm 250 metra nga shtëpia e tyre. Pamë telefonatat nga të gjithë anëtarët e familjes dhe gjetëm se gruaja e Aliut, Zahida, telefononte vazhdimisht dikë”, u shpreh inspektori.
Më pas u mësua se vajzat së bashku me të ëmën kishin paguar një vrasës me pagesë me një shumë prej 1 100 paund në mënyrë që të ekzekutonte Aliun. Ai punonte në polici dhe bashkëshortja e tij, Zahida shpresonte të merrte 88 000 paund nga pensioni që marrin familjet e policëve pas vdekjes së tyre, ndërsa vajzat shpresonin që pas vdekjes së babait të siguronin një punë në rajonin e policisë.
