Meryem Uzerli, apo e njohur me emrin e rolit “Hyrrem” nga seriali “Sulltani i madhërishëm”, është shndërruar në një ndër aktoret më të pëlqyera për publikun shqiptar.
Së fundmi, Hyrrem ka treguar periudhën më të vështirë që ka kaluar në jetën private, kur ish-i fejuari i kërkonte të abortonte fëmijën.
“Në Antalja mora një çmim, po atë natë tentova të vras veten. Shkova në dhomën e hotelit, e hodha statujën e çmimit dhe e shkatërrova. Isha çmendur dhe preva damarët, kishte gjak kudo. Doja të hidhesha nga ballkoni sepse vetëm kështu do të shpëtoja. Doja të zhdukesha, e të shihja shpëtimin tek vdekja”, ka thënë aktorja simpatike.
Pavarësisht kësaj situate të vështirë të jetës së saj, Hyrrem vendosi ta mbajë fëmijën dhe sot është një mama e një vajze me emrin Lara, të cilës ia dedikon edhe jetën e saj.
