Një ngjarje e rëndë ka tronditur qytetin e Fierit, por edhe botën e artit shqiptar gjatë ditës së sotme, pasi këngëtari i famshëm i muzikës së lehtë, Vilson Shaho, është gjetur i vdekur në banesën e tij.
Zbulimin tronditës e kanë bërë të afërmit e artistit, të cilët kishin dyshuar se atij mund t’i kishte ndodhur diçka pasi Shaho kishte ditë që nuk dilte nga shtëpia. Kur kanë shkuar për të kontrolluar, ata kanë gjetur trupin e tij të pajetë.
Sipas policisë, dyshohet se artisti ka ndërruar jetë për shkaqe natyrore. Pak vite më parë, Vilson Shaho u rikthye në vëmendjen e mediave pasi në 2014-ën, u arrestua për plagosjen e një shtetasi 30-vjeçar.
Vilson Shaho ka mbaruar Akademinë e Arteve, ndërsa është i njohur në Fier si këngëtar i muzikës kanto. Shaho i përket brezit të vjetër të këngëtarëve dhe ka marrë pjesë në Festivalin e parë të Interpretuesve, në vitin 1983.
Burimi: Gazeta Express
