Ish-banorja e “Big Brother”, Armela Hyseni e ka nisur karrierën e saj në fushën e modelingut që në moshën 16-vjeçare.
E ftuar në emisionin “Një kat më lart”, Armela foli për vështirësitë e të qenit modele. Sipas saj në Shqipëri nuk ia vlen të jesh modele përderisa pagesat janë minimale.
Armela gjatë intervistës shpjegoi se punon shpesh në botën e modelingut, më shumë për të realizuar katalogë të cilët mund t’i shërbejnë në synimet e saj ndërkombëtare sesa për lekë.
Ish-banorja e “Big Brother” zbuloi edhe një të vërtetë të hidhur për agjencitë e modelingut, ku sipas saj brenda tyre ka ngacmime të shumta seksuale.
“Mua s’më kanë ngacmuar, kam qenë edhe e vogël. Unë njoh agjenci që krijohen enkas për të ngacmuar vajzat. Është shumë e rëndë. Më kanë treguar shoqet, nuk ta thonë troç, përpiqen”, u shpreh Armela.
Jo vetëm kaq, por Armela tha se në këmbim të këtyre favoreve seksuale modeleve iu premtohen çmime të ndryshme, apo pjesëmarrje në evenimente të rëndësishme artistike.
