Basketbollisti Tristan Thompson u kthye këtë vit në kryefjalën e mediave pas tradhëtisë së tij ndaj Khloe Kardashian.
Megjithëse u bënë prindër të vogëlushes True, çifti u nda për shkak të tradhëtisë dhe Tristan është ende në tentativa për t’u bashkuar me Khloe-n.
Ai nuk lë rast pa i treguar asaj sesa i penduar është dhe madje ka vërtetuar se është një baba shumë i përkushtuar.
Tristan kalon kohë jo vetëm me të voglën e tij, True, por edhe me të birin Prince, i cili erdhi në jetë nga marrëdhënia me ish-partneren e tij.
Prince ka festuar 3-vjetorin e lindjes, ndaj basketbollisti s’ka vonuar t’i bëjë një super urim në llogarinë e tij në Instagram, ku i shpreh të gjithë dashurinë:
“Gëzuar ditëlindjen vogëlushi im Prince! Ti je 3-vjeç tashmë dhe unë e kujtoj si të mbaja në krahë kur ti erdhe në jetë dhe të tregoja sa fëmijë i mrekullueshëm ishe. Çdo ditë vazhdon të më surprizosh me zhvillimin, dashurinë dhe zemrën tënde të madhe. Buzëqeshja jote është dritë që ndriçon çdo dhomë në të cilën ti ndodhesh. Falenderoj Zotin çdo ditë që më zgjodhi të isha babai yt. Shpresoj që zoti të vazhdojë të bekojë çdo ditë bir. Të dua.”- shkruan Tristan krahas fotos së të voglit.
