E imagjinoni si ndihet Kylie Jenner kur zbuloi se, Tristan Thompson tradhtoi Khloe Kardashian me shoqen e saj të ngushtë, Jordyn Woods? As nuk mund ta imagjinojmë dot!
Kylie Jenner është e rebeluar dhe e gjithë familja Kardashian është e tronditur, ndërsa nga ana tjetër 21-vjeçarja mësohet se e ka mohuar lajmin për disa ditë dhe është në mëdyshje sesi duhet ta përballojë situatën. Kjo veçanërisht edhe për faktin se Jordyn jeton me Kylie-n prej pak kohësh!
Nga ana tjetër Khloe është e zhgënjyer që dikush brenda familjes e ka tradhtuar atë.
Raportimet fillimisht treguan se, ata u panë duke qëndruar shumë pranë njëri-tjetrit në një festë të organizuar në një shtëpi, por gjërat janë më të komplikuara. Sipas “E!News”, Tristan dhe Jordyn shkuan me një grup miqsh të përbashkët për të ndjekur një shfaqje të Drake dhe burimet thonë se ata qëndronin shumë pranë njëri-tjetrit dhe flirtonin gjithë kohës.
Burimi tregon se ai i kishte hedhur krahun, ndërsa Jordyn i qëndronte pranë dhe qeshte gjithë kohës me të.
Jordyn më pas qëndroi në shtëpinë ku u organizua festa me të dhe miqtë e tij, deri në orët e para të mëngjesit. Ata ishin ulur në një divan dhe flisnin e përkëdheleshin gjithë kohës.
Burimi: Cosmopolitan
