Pse po shikoni të kaloni pushimet përtej kufijve të vendit tonë, ndërsa të njëjtën bukuri dhe “luks” mund ta gjeni edhe këtu. Prestigjiozja britanike “The Telegraph” bën një marketing shumë të mirë për Shqipërinë, teksa e përfshinë atë në listën e 12 destinacionet më të preferuara për kroçierat.
“Edhe pse mund të keni ndërmarrë udhëtime të panumërta në Europë, nuk është e thënë që ta keni ezauruar plotësisht. Linjat e kroçierave janë duke kërkuar destinacione të reja për ta bërë udhëtimin më tërheqës dhe me më shumë varietet. Nga ana tjetër shumë porte kanë shtuar lehtësitë për të pritur pasagjerët. Nëse vërtet po mendoni për të ndërmarrë një udhëtim në Mesdhe, qoftë në Egje apo në Adriatik atëherë duhet të mendoni më lokalisht dhe të zgjidhni ture të vogla që organizohen nga kroçiera,si : Silversea, Sëan Hellenic, Seabourn dhe Noble Caledonia. Flotat e tyre kompakte janë të afta të futen edhe në porte të vegjël. Megjithatë ka shumë zgjedhje dhe mund të kombinoni një tur interesant që mund të ofrohet edhe nga anijet e mëdha”, shkruhet në artikullin e “The Telegraph”.
Ai e rendit vendin tonë pas Greqisë dhe Kroacisë: “Shqipëria, vetëm së fundmi është hapur për turistët, pasi për shumë kohë ka qenë e rrethuar nga misteri. Përtej plazheve të pashkelura dhe të qeta, ngrihen rrënoja të vjetra greko-romake dhe site arkeologjike që nuk i keni ndeshur më parë. Shqipëria gjendet në listën e kroçierave të linjës “Seabourn”, ndërsa P&O ka deklaruar se do të vazhdojë ta përfshijë këtë vend në listat e saj”.
Burimi: The Telegraph
