Yjet e botës së modës shkëlqyen në tapetin e kuq të “British Fashion Awards 2016” në Royal Albert Hall në Londër. Gigi Hadid mahniti me veshjen e saj blu pastel nga Atelie Versace, ndërsa u shpall si “Modelja Ndërkombëtare” për vitin 2016.
Në eventin e përvitshëm të sponsorizuar nga “Swarovski”, shkëlqyen ndër të tjerat edhe Nicole Scherzinger, Lady Gaga, Kate Moss dhe Naomi Campbell.
Nicole Scherzinger tregoi trupin e saj të tonifikuar, me një trupore që tërhiqte vëmendjen, të realizuar me 115,000 kristale “Swarovski”, të dizajnuar nga Julian MacDonald. Veshja unike vazhdonte nga pjesa e qafës, teksa zbulonte pjesën e belit, për të vazhduar më tej deri në fund të këmbëve.
Kate Moss kishte veshur një fustan të zi prej kadife, të kombinuar me një peliçe me të njëjtën ngjyrë, dy aksesorët, këpucën dhe kuletën, ishin ata që ndriçonin paraqitjen e supermodeles në ngjyrë floriri.
Të njëjtën ngjyrë fustani kishte zgjedhur edhe Lady Gaga, por me një detaj unik që e personifikon: këpucët me super takë.
E zeza mbretëroi tapetin e kuq pasi edhe supermodelet Naomi Campbell dhe Karlie Kloss, kishin besuar te fuqia e saj. Campbell kishte zgjedhur një fustan me dantellë, i cili tregonte format e saj trupore, ndërsa Kloss u shfaq më klasike me gurët “Swarovski”.
Trendi tjetër që sollën celebrities ishte shkëlqimi i paraqitjes përmes kristaleve “Swarovski”.
*Shfleto galerinë
Burimi: Daily Mail
