Këngëtarja Era Istrefi është bërë shumë hermetike kohët e fundit dhe përveç faktit se nuk është aktive në muzikë, poston shumë rrallë edhe në rrjetet sociale.
Megjithatë, Era na i ka treguar disa të reja të fundit nga jeta e saj dhe njëra prej tyre është ndryshimi i look-ut.
Këngëtarja s’i ka rezistuar më gjatë tundimit për të prerë baluke dhe i ka realizuar ato!
Madje, në videon e fundit në InstaStory ajo na tregon pamjen e re dhe duket super yll!
Këngëtarja i ka prerë flokët deri tek supet dhe duket se po e dashuron pamjen e saj të re dhe seksi.
Së fundmi, dikush i ka kërkuar këngëtares të zbulojë një foto të listës së demove që ka gati dhe Era s’ka vonuar ta publikojë.
Siç mund ta shohim nga fotot, këngëtarja ka një listë të gjatë me surpriza për vitin 2021, të cilat mezi po i presim!
Era zbuloi gjithashtu se ishte bërë banore rezidente e Britanisë, vend në të cilin po qëndron prej kohësh.
View this post on Instagram
Gjatë muajve të karantinës, Era Istrefi na ndihmoi paksa të kalojmë ditët e vështira të izolimit në shoqërinë e këngës së saj të re të titulluar “Sayonara baby”.
Në muajin korrik ajo na la të kuptojmë se shumë shpejt do vijë me një bashkëpunim me Butën.
Këtë lajm të bukur e ka dhënë vetë Era, e cila ka publikuar një foto nga studio muzikore së bashku me reperin.
