Trendet e fundit shpesh na vijnë nga celebrities! Edhe të famshmet e ekranit shqiptar kanë eksperimentuar me flokët dhe një nga trendët e tyre ia ka dalë të qëndrojë.
Flokët e modeluar në gërsheta të vogla është një stil i huazuar nga yjet botërore, por ato shqiptare e risjellin në vendin tonë. Elvana Gjata ishte e para që e solli në videoklipin e këngës “Puthe”.
Pas saj Marina Vjollca, e përdori si model gjatë pushimeve në Karaibe vitin e kaluar.
Kida, Genta Ismajli apo edhe Dafina Zeqiri gjithashtu kanë eksperimentuar me gërshetat afrikane dhe kanë bërë edhe që shumë vajza të tjera t’i imitojnë.
Pak ditë më parë, edhe Greta Koҫi ka habitur me modelin e ri të flokëve me gërshetat afrikane. Në disa prej fotove të xhiruara nga klipi, Greta duket krejt tjetër me natyrën afrikane që ka zgjedhur për këtë prag vere.
E fundit me gërshetat afrikane ka dalë edhe Ingrit Gjoni. Kjo e fundit jo vetëm që ndryshoi stil, por edhe tonin e lëkurës për t’iu përshtatur edhe më shumë natyrave aziatike.
