Ndërsa celebrities u shfaqën në tapetin e kuq në një nga netët më të mëdha të televizionit dhe na dhanë disa paraqitje të prapaskenave, ne po zmadhojmë vëmendjen në detajet e bukurisë.
Këtë vit, gjithçka ishte për sytë e guximshëm dhe flokët natyral, si Emily Ratajkowski, Sophie Turner dhe Kirsten Dunst.
Ja disa nga detajet e bukurisë që na solli mbrëmja e çmimeve Emmy 2016, prej të cilave mund të mësojmë.
Sophie Turner
Aktorja u shfaq me një gërshet të çrregullt të kombinuar me makijazhin e syve ngjyrë të ngrohtë.
Emilia Clarke
Ajo solli bukurinë natyrale, me mbizotërimin e toneve nudo, për sytë kishte zgjedhur kombinimin e toneve vjollcë dhe gri.
Michelle Dockery
Ishte më shumë si një lule angleze me paraqitjen e ngrohtë, duke u fokusuar te buzët ngjyrë rubin për të plotësuar stilin klasik të flokëve.
Sarah Hyland
Sarah lejoi aksesorët e saj që të “flisnin” duke zgjedhur një topuz të kapur poshtë dhe një shkëlqim përmes penelit dysh.
Giuliana Rancic
Bishtaleci i kapur sipër ishte perfekt për të kombinuar fustanin e saj rozë, të përmbyllur me një buzëkuq rozë pastel.
Emily Ratajkowski
Ajo fitoi me stilin e saj dramatik, duke kombinuar një stil flokësh bisht me tualetin e syve blu metalizato.
Mandy Moore
Pas gjithë këtyre vitesh, ne ende e duam Mandy Moore, sidomos kur shfaqet në tapetin e kuq në këtë mënyrë. Fustani i saj i verdhë ishte kombinuar në mënyrë perfekte me buzët ngjyrë qershi me shkëlqim dhe flokët e valëzuara.
Julianne Hough
Ajo zgjodhi një paraqitje “chic”, natyral dhe me flokët stil modern.
Sofia Vergara
Sofia u shfaq në mënyrë natyrale, duke theksuar vetëm buzët e saj ngjyrë të kuqe rubini.
Felicity Huffman
Topuzi i saj casual e ktheu stilin e tapetit të kuq në një paraqitje chic.
Kirsten Dunst
Valëzimet delikate të flokëve dhe buzët e saj ngjyrë rubinë sollën një paraqitje klasike në tapetin e kuq.
Burimi: Harper’s Bazaar
