Nga Tea Brame
A e dini se depresioni tek njerëzit, shpesh herë mund te vijë si pasojë e mungesës së disa elementëve ushqyese, të cilat ndikojnë drejpërsërdrejti në gjendjen psikologjike?!
Unë mendoj se shpesh herë, përpara se ti drejtohemi medikamenteve anti-depresivë, të bëjmë një analizë të detajuar të vitaminave dhe mineraleve në trup, për të zbuluar nëse këto shenja ankthi, lodhjeje dhe depresioni, kanë si shkaktar mungesën e lëndëve ushqyese apo vijnë si rezultat i faktorëve të jashtëm.
Disa nga elementët, mungesa e të cilëve çon drejt depresionit janë:
- Acidet yndyrore Omega-3
Këto minerale thelbësore zvogëlojnë inflamacionin dhe luajnë një rol kritik në funksionimin e trurit, veçanërisht me kujtesën dhe humorin. Trupi nuk mund t’i prodhojë vetë , kështu që ju duhet t’i përfitoni nëpërmjet ushqimeve ose suplementeve. Ushqimet e pasura me Omega 3 janë : salmon,ton,fara lini, arra etj.
- Magnezi
Mënyrat tona të jetesës ulin nivelet e magnezit: alkooli i tepërt, kripa, kafe, sheqeri, acidin fosforik (në sode), stresin kronik, antibiotikët etj. Magnezi quhet antidot i stresit, “minerali më i fuqishëm i relaksimit që ekziston”, sipas Hyman. Ai gjendet në alga deti, zarzavate dhe fasule. Rekomandohet të merret gjatë ditës 400 mg -420mg për meshkujt e rritur dhe 310 mg -320 mg për femrat e rritura.
- Kompleksi i vitaminës B
Vitaminat B si vitamina B -6 dhe vitamina B -12 mund të ofrojnë disa përfitime të jashtëzakonshme shëndetësore, duke përfshirë zvogëlimin e rrezikut të goditjes në tru ,lëkurë dhe thonj të shëndetshëm. Nga ana tjetër, mungesa e vitaminës B mund të ndikojë në shëndetin tuaj mendor .
Burimet më të mira të vitaminës B-6 janë shpendët, ushqimet e detit, bananet dhe perimet me gjethe jeshile.
Për vitaminën B-6, rekomandohet një marrje ditore prej 1.7 mg për meshkujt e rritur dhe 1.5 mg për gratë e rritura. Vitamina B-12 gjendet në ushqimet shtazore (mish, peshk, shpendë, vezë dhe qumësht) dhe butakë, të tillë si molusqet, midhjet dhe gaforret. Shumica e të rriturve duhet të konsumojnë 2.4 mikrogramë (mcg) vitaminë B-12 çdo ditë.
- Vitamina D
Fatkeqësisht mungesa e Vitaminës D, vitet e fundit është në masë. Kjo mangësi është lidhur me depresionin, demencën dhe autizmin. Shumica e niveleve tona bien gjatë muajve të vjeshtës dhe dimrit, pasi rrezet e diellit janë burimi më i pasur. Institutet Ndërkombëtare të Shëndetit rekomandojnë që të rriturit e shëndetshëm të marrin rreth 600 IU në ditë.
- Aminoacidet
Aminoacidet – blloqet ndërtuese të proteinave – ndihmojnë trurin tuaj të funksionojë siç duhet. Mungesa e aminoacideve mund t’ju bëjë të ndiheni të ngadaltë, të shpërqendruar dhe në depresion. Burimet e mira të aminoacideve përfshijnë mishin e viçit, vezët, peshkun, fasulet, farate ndryshme dhe arrat.
- Jod
Mungesa e jodit mund të jetë një problem i madh sepse jodi është kritik për funksionimin e gjëndrës tiroide ashtu siç duhet dhe tiroidja ndikon më shumë nga sa mendoni: energjia, metabolizmi, temperatura e trupit, rritja, funksioni imunitar dhe performanca e trurit (përqendrimi, kujtesa, dhe me shume). Kur nuk funksionon siç duhet, përveç të tjerave ,mund të ndiheni shumë të dëshpëruar.
Ju mund të merrni sasinë e duhur të jodit duke përdorur kripë, ose duke konsumuar alga deti të thata, karkaleca ose merluc. Sasia e rekomanduar ditore e jodit për shumicën e të rriturve është rreth 150 mcg.
- Hekuri
Mungesa e hekurit është mjaft e zakonshme sidomos tek gratë. Forma më e zakonshme e anemisë – një numër i pamjaftueshëm i qelizave të kuqe të gjakut – shkaktohet nga mungesa e hekurit. Simptomat e tij janë të ngjashme me depresionin: lodhje, nervozizëm, hutim,konfuzion në tru etj. Shumica e të rriturve duhet të konsumojnë 8 – 18 mg hekur në ditë, në varësi të moshës, gjinisë dhe dietës. Burimet e mira të hekurit përfshijnë mishin e kuq, peshkun dhe mishin e shpendëve.
Në momentin që ndjeni shenja lodhje, mungesë përqëndrimi, trishtim dhe shenja depresioni, provoni të bëni analizën e mineraleve dhe vitaminave. Pavarësisht sa shëndetshëm konsumojmë,ushqimet nuk arrijnë të plotësojnë 100% nevojat tona ushqyese,kjo për një sërë faktorësh.
Gjithsesi, përpara se ti drejtoheni medikamentit anti depresiv dhe te krijoni varësi ndaj tyre, provoni të merrni suplementin që i mungon trupit tuaj.
Ndonjëherë kemi tendencën të shkojmë tek zgjidhja më e lehtë, por jo e duhur!
Kujdesuni për shëndetin!
Me dashuri,Tea!
