Tre raste të reja me COVID-19 janë identifikuar së fundmi në vendin tonë dhe bëhet fjalë për 3 persona nga Korça: një çift të moshuarish dhe një menaxher i një lokali.
Çifti i të moshuarve mendohet të jenë prekur nga mbesa e tyre që ka qenë në Itali, ndërsa i riu ka patur kontakte ne persona të shumtë, madje ka marrë pjesë edhe në një festë për 8-mars, siç bën me dije News 24.
Të tre janë trajtuar fillimisht në Spitalin Rajonal të Korçës ndërsa më pas janë dërguar në Tiranë, pasi kanë shfaqur komplikacione.
Ndërkohë, mësohet se 33-vjeçari ka bërë analizën e cila herën e parë rezultoi negative, mirëpo gjendja e tij është përkeqësuar dhe nga një analizë e dytë u konfirmua se ishte i prekur nga COVID-19 dhe ndodhet në një gjendje të rënduar.
Sot pritet dhe një informacion zyrtar nga Instituti i Shëndetit Publik, teksa në përditësimin e djeshëm janë konfirmuar zyrtarisht edhe 6 të prekur të tjerë nga ky virus në Shqipëri, duke e cuar totalin e të prekurve në 76 persona nga 778 persona të testuar gjithsej.
/gazetareforma.com
