Punonjësit e emergjencës u gëzuan ditën e djeshme pas zbulimit të tre qenushëve, të cilit kishin ngecur për ditë të tëra poshtë borës, duke u dhënë shpresë për 23 njerëzit që rezultojnë ende të zhdukur pas ortekut që mbuloi hotelin italian.
Qenushët kishin ngecur brenda Hotelit Rigopiano, i cili u godit nga një ortek pas katër tërmetesh të ndodhura brenda katër orësh të mërkurën.
Zjarrfikësit thanë dje se zbulimi i tyre në kushte të tilla, dëbore, akulli dhe rrënoja, do të thotë se ka ende shpresë për jetë.
Të mbijetuarit e parë dolën nga spitali dje, pas mbikëqyrjes së mjekëve.
Pesë ditë pas ortekut, punonjësit e shpëtimit janë ende duke gërmuar me duar apo lopata me shpresën për të gjetur gjallë 23 njerëzit e tjerë, që rezultojnë të groposur. Deri më tani gjashtë trupa janë gjetur të pajetë, ndërsa nëntë persona u nxorën të gjallë.
Burimi: Daily Mail
