Aktorja Amanda Bynes është lënë e lirë nga institucioni i shëndetit mendor. ‘TMZ’ raporton se aktorja doli nga spitali pasi qëndroi për rreth tre javë e izoluar.
Ishin mjekët në Californi ato të cilët përcaktuan se aktorja ishte gati të dilte nga spitali. Edhe pse nuk është më në spital, Amanda do duhet të jetë sërish nën mbikqyrjen e mjekëve, pasi trajtimet do t’i vijojë në shtëpi, aty ku do ndiqet nga personeli mjekësor. Për lirimin e Amandës nga spitali dhe gjendjen e saj shëndetësore, familja ende nuk ka folur publikisht.
Muajin e kaluar, Bynes u gjet duke u endur nëpër qendër të Los Anxhelosit e zhveshur. Dyshohet se Bynes ishte rrëzuar e më pas kërkoi ndihmë vetë. Ajo u dërgua në një stacion policie e më pas u vendos se duhej të shtrohej në një spital psikiatrik.
Bynes ka folur për luftën ndaj varësisë nga droga në vitin 2014, duke treguar se ishte diagnostikuar me çrregullim afektiv bipolar dhe depresion.
